Gwamna Uba Sani ya ƙaddamar da babban shiri don koyar da matasa sana’o’i domin ƙarfafa cin gashin kansu da samar da ayyuka a fannin fasaha da masana’antu.

Kamar yadda Kwamishinar Harkokin Kasuwanci da Fasaha, Patience Fakai, ta bayyana a taron ministoci, an kafa “Birnin Sana’a” guda uku a Soba, Rigachikun da Samaru Kataf.

Shirin na farko zai horar da matasa 12,000, 24,000 a shekara ta biyu cikin sana’o’i 13 kamar walda, ɗinki, haɗa hasken rana. Za a bayar da takardar shaidar NBTE.

Za a maida Kasuwar Panteka cibiyar masana’antu, inda za a horas da fiye da masu sana’a 38,000 tare da inganta hanyoyi, ICT, asibiti da wurin kashe gobara.

An haɗa matasa 300 da kamfanoni ta hanyar Career Fair tare da Jobberman da Mastercard Foundation. An bude cibiyoyin aiki a Arewa da Kudu na jihar.

A shirin AREWA LADIES-4-TECH, an horar da mata 5,100 a ICT, sama da 60 sun samu aiki. UNICEF ta horas da yara 500 tare da gyara 22 cikin su a sana’ar takalma da gyaran gashi.

Jihar ta karɓi lambar yabo daga Gates Foundation bisa kokarin ta a AI da karantar da harshen Hausa ta hanyar dijital.

Patience Fakai ta ce: “Cigaban dan adam ne burinmu. Wadannan shirye-shirye za su taimaka wa matasanmu da tattalin arziki mai dorewa.”