Rahoton Labarai na Nigeria TV Info

Yayinda cututtukan da suka shafi shan taba ke kashe sama da mutane miliyan takwas a duniya kowace shekara, Hukumar Lafiya ta Duniya (WHO) tare da masu rajin lafiya na kasa da kasa sun sake yin kira da a dauki tsauraran matakai kan masana’antar taba. Wannan ya biyo bayan damuwa da sabbin dabarun da masana’antar ke amfani da su domin hana nasarar kokarin dakile yaduwar taba a duniya.

Rahoton da WHO ta fitar kwanan nan game da Annobar Taba ta Duniya na shekarar 2025, tare da muhimman matsayoyi daga Babban Taron Duniya kan Kula da Taba (WCTC) da aka gudanar a ƙasar Ireland, ya bayyana hoto mai tayar da hankali—musamman ga ƙasashe masu ƙaramin da matsakaicin tattalin arziki kamar Najeriya. A cewar rahoton, masana’antar taba da nikotin har yanzu na daga cikin manyan kalubale ga manufofin ceton rayuka da ci gaban lafiyar jama’a.

A cikin wata sanarwa ta haɗin gwiwa, mahalarta WCTC sun bukaci gwamnatoci da su hanzarta aiwatar da yarjejeniyar WHO kan Dakile Taba (FCTC) tare da ɗaukar mataki kan masana’antar taba a matsayin barazana babba ga cigaban lafiyar jama'a.